想生三個諗定雪「蛋」！陳瀅嗌細膽等人追

藝人陳瀅與剛宣布有喜的胡杏兒一同出席活動，問她有沒有恭喜杏兒？她說：「恭喜咗啦，佢一宣布我已經喺社交網站恭喜咗佢！（咁你自己呢？）吓，我拖都未拍咁快？我自己想拍拖，跟住先結婚生BB，會想順次序做，我屋企有三姊弟，所以自己都希望將來生三個。 （如果生三個要盡快喎？）咁依家都有好多唔同嘅科技幫手嘅，可以將啲蛋雪住先！（係卵呀？咁依家要開始雪？）考慮吓啦！」

「通常等人追」

單身的她被問到現時有沒有追求者，她自嘲沒有追求者，因為自己經常一個人。與好友何雁詩同居的她，被笑指家中桃花應該當旺時（何雁詩早前宣布與鄭俊弘拍拖），她笑說：「我個人比較慢熱，通常等人追，好少追人。（你即係話何雁詩主動追人？）我講我自己咋！ （咁你有冇試過追男仔？）讀書時都有嘅，嗰陣比較大膽啲！（咁成唔成功？）一時時啦，但絕對有失敗嘅，因為讀書時，我肥又箍牙又滿臉暗瘡，但人愈大愈怕醜，依家變得好細膽，通常得個講字。」

-------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/3e0uDi