黃宇希搞酒吧壓力大到瞓唔着

歌手黃宇希（Shimica）、韓梓亮（TL）、丘竣霆、郭浩皇及尚賢到中環出席酒吧派對，TL與比堅尼女郎貼身合照，又與打扮性感的Shimica扮咀，艷福無邊！受訪時，TL坦言與Shimica是好朋友，所以一定要到對方有份投資的酒吧撐場：「佢幫好多artist寫歌，我都會搵佢幫我寫，依家仲傾緊。」提到TL今年正式出道，他指成績很好，很感恩。問到想Shimica寫甚麼歌？他讚對方為周柏豪Rap得很勁，寫給JW的歌亦很好，想對方為自己寫一首有party感覺的快歌在暑假推出。

酒吧工作有壓力

Shimica表示將與不同監製合作，但最近忙於處理酒吧的工作：「啲壓力喺度，呢度開咗14日都冇，已經搞好多活動，完全瞓唔到覺，但又好享受，因為好有成功感，完全唔覺得攰。」她和TL都認為藝人飲酒或Clubbing其實很正常，Club就是音樂，但如果有毒品就一定不支持。至於二人會否合唱？他們表示有機會，Shimica笑言要看對方給她多少錢，TL反擊笑說：「咁我哋今日做嘉賓都要收錢。」他自言以前的成績不夠好，但眼見Shimica很努力，因此自己都要很努力。

兩個月後出碟

Shimica透露兩個月後會出碟，並與美國Billboard合作推出雜錦碟，與DJ Soda等人合作：「喺香港好難有人覺得我好乖，but I love music，我都會喺香港造音樂，但我鍾意英文歌，所以喺外國發展。（衝出國際？）Exactly！」