昆凌晒巨肚出巡　連肚臍都凸埋！

灣天王周杰倫（周董）老婆昆凌依家懷有第二胎，一早就已經宣布係佗B仔，不過佢都冇就住個肚，成日周圍去，今次佢又佗住個巨肚喺台灣出現，仲畀粉絲集郵放上網㖭。

相中見昆凌個肚已經籮咁大，望落幾乎生得咁滯，佢着上一條白色連身裙，佢唔止個肚夠凸，仲連自己個肚臍都凸埋出嚟，唔怪得之個網友都笑指佢個肚臍好正！雖然昆凌四圍走冇時停，不過佢就好聽話着住外套同平底波鞋，又戴Cap帽保暖，算你啦～