許廷鏗唔係一哥？衛詩爆公司簽咗柏豪2.0

歌手衛詩（Jill）出席跳舞比賽活動，Jill聽到強勁音樂時忍不住聞歌起舞，郁身郁勢，她謂：「加盟華納之後都未有機會出快歌，好掛住跳舞。」Jill稱讀小學時曾參加跳舞比賽，最後攞了第一名。

講到許廷鏗（Alfred）落實加盟華納成為同門師弟，Jill聞言驚訝說：「係咩？Really？我唔知呀，我只知道公司簽咗有兩個新人，一男一女，話個男仔有少少似柏豪，識彈琴，依家有埋Alfred咁多人好熱鬧。」Jill笑言以後可以找Alfred幫手洗牙。問到想不想跟對方合作時，Jill：「都想呀，不過佢唱K歌多，襯我家姐多啲，咁一係我哋一齊唱快歌又跳又唱啦。」