甄詠珊請安俊豪「食檸檬」

藝人甄詠珊（Carisa）、安俊豪及陶枳樽等，於灣仔出席拳館開幕活動。Carisa與師弟同樣以黑衫打扮示人，她對此笑言經常與對方不約而同地「襯晒衫」現身，問她與師弟如此合襯，有冇發展機會？Carisa即請師弟食檸檬，又自爆與異性約會中：「一開始識就絕緣，（有人追？）有啲，冇話追得好犀利，出嚟認識吓，有約會。」

Carisa透露正拍攝無綫劇集《燦爛的外母》，劇中飾演奸角的她更會與薛家燕頻頻開火鬧交：「會演唯一嘅奸角，角色好花枝招展，仲成日同家燕姐鬧交，仲會攞豆腐掟佢。（冇大冇細？）所以緊張。」

同場師弟安俊豪就透露六月底會拍攝新戲，飾演泰拳拳手的他笑言自己有泰國血統，希望學拳時更快上手。