吊鑊「金」!秋官勁舞畀女圍

20170528
東網電視
更多新聞短片
開騷喇!
藝人鄭少秋(秋官)於紅館舉行的《鄭少秋半世紀.大時代世界巡迴演唱會》今晚開鑼。演唱會於8時36分開始,螢幕播出年輕秋官的照片及是次演唱會海報,然後秋官身穿閃爆西裝現身於三面台上的皇冠型升降台,慢慢升上半空,唱出《輪流轉》等金曲,期間皇冠和舞台兩邊大放煙花。回地面後秋官說:「大家好!今次係咪好『金』呢?我件衫好金,個頭又金,仲要一開場就吊到咁高,都咪話唔『金』呀?」他問觀眾靚唔靚仔、型唔型,觀眾就大叫靚仔和型,秋官笑說:「既然咁靚仔咁型,幾『金』都抵啦。」說到入行50年,他表示一直有大家的支持,一起度過黃金歲月:「衷心多謝大家到場分享我嘅金禧演出,陪我走過好多高高低低,同我創造咁多大時代。今晚會唱好多黃金年代嘅歌,同大家分甘同味。」
秋官叫音樂監製給他拍子,舞蹈員隨即出場跳舞,秋官跳舞時身手十分靈敏,靈活地擺動身體,更被手執羽毛扇的女舞蹈員包圍。一輪勁舞後,他說:「跳得咁辛苦,飲啖水先。頭先我啲歌嘅安排大家鍾唔鍾意?係咪真係鍾意我啫?真係鍾意同愛就大聲啲啦!」粉絲即大叫鍾意和愛,秋官笑言:「如果唔係就搞到好似丁蟹咁,到阿玲死咗先知鍾意方進新,又好似屈原咁要用死嚟表達對國家嘅愛。」他自言演過屈原,覺得對方很值得尊敬,又令大家有公眾假期,才可以來捧他場,之後他唱出該套劇的主題曲以示敬意。螢幕播出秋官的剪報,他唱至《天涯孤客》時,就換上黑色直間西裝。