Nowhere Boys睇中Cheronna@SG夠靚？

樂隊Nowhere Boys與Cheronna@Super Girls（SG）到電台宣傳新歌《夕陽武士》，問Nowhere Boys為何選擇與Cheronna合作？五子笑言為了私心，成員Van說：「我哋5個都睇中佢，鄧小巧網上面寫，絕對有理由相信我哋為咗Cheronna唱而寫呢首歌。」

Cheronna指上年訪問過他們，知道對方曾邀請Aka合唱：「我覺得可以一齊去玩同夾Band，就膽粗粗話佢哋可以搵我。」Van坦言那一刻呆了，感到勁開心，但卻未能在社交平台add她：「我以為佢講吓，氹吓我開心，欺騙我感情。之後頒獎禮見番，就一定要抄牌。」他指歌曲是浪漫愛情故事，但五個男人很難做，需要一個靚女歌手。

Cheronna讚Nowhere Boys唱現場時與觀眾很多交流，氣氛很好：「諗住同佢哋唱Rock，我又好鍾意佢哋首《天外飛仙》，成日幻想一齊玩呢首歌。」她表示大家傾了很多，最後合唱悲慘的愛情歌，認為是好的嘗試。Van稱這次有大提琴和中提琴等元素，希望帶出新鮮感覺。

問Cheronna五子之中誰最適合她？五子笑言他們當中有齊爸爸、哥哥和叔叔，而Cheronna就指每一個都好好：「想將佢哋分享畀隊員。（嫌棄佢哋？）唔係，我一個人handle唔到五個。」她說曾經迫C AllStar跳舞，希望Nowhere Boys可以寫到跳舞歌與SG合作：「我知佢哋好鍾意同我哋玩，佢哋幾個都揀Aka，幾好吖，既然Aka又係單身，出嚟玩吓囉。（邊個啱Aka？）要睇佢哋相處成點。玩配對係因為工作，我冇諗愛情，但我覺得Ken好啱，因為佢同Aka都高。」