【不要低頭】內地女星戴騎呢皇冠襲康城

20170529
東網電視
更多新聞短片
黄伊凡以一襲唔知點形容嘅浮誇晚裝上陣!(Getty Images)
《第70屆康城電影節》今晨落幕,今屆擔任主競賽評審的內地女星范冰冰未有發力以浮誇造型襲紅地氈,不少內地女星心急「補位」揚威國際,繼內地網絡主播徐大寶及出演過《3D肉蒲團》兼自稱香港一線性感女星的藍燕,今晨的閉幕紅地氈又有奇裝睇!
講緊嘅係內地女模黄伊凡以一身繡上金龍,靈感似足來自龍袍的晚裝現身,頭頂仲頂住一個大大個疑似皇冠嘅金色頭飾,邊行邊扶住個頭飾,心口又無厘頭有塊白布,騎呢到盡,外媒當然未有認出佢係邊位,不過大批內地網民好「給力」,於社交網做人肉搜尋,更密密留言鬧爆呢位微博名叫「黄伊凡寶寶」的女星,一時笑佢「不要低頭,皇冠會掉下來」,一時又話遲早淘寶店主都可以行紅地氈,堅係大義滅親,笑爆「自己人」醜出國際!不過黄伊凡就似乎一於少理,更於微博上載自己於當地的影片,自言大受歡迎,仲話:「很多人攝影師拍我和很多人來跟我合照。」自信心強到不得了!
此外,同場亦有外國女星以騎呢Look上陣,視星Abigail Lopez以側身高釵裙示人,風一吹就露出長腿及俏臀,大大個籮柚任影唔嬲,賣肉搶風頭!