名人：何猷君一家打牌　超盈Bra Top邪住晒

賭王何鴻燊四房兒子何猷君，雖然近年嚟都喺內地發展事業，工作非常忙碌，不過佢一有時間就會返香港探屋企人，認真孝順！聽日就係端午節，相信猷君就趕返嚟同家人做節，佢今日喺社交網上載同家姐超盈、妹妹超欣，以及媽咪打牌嘅合照，並搞笑留言話：「香港媒體朋友們，我標題都幫你們想好了： a）爆索超盈身材火辣運動裝打麻將 b）超欣女大十八變 - 化身混血版鐘嘉欣 c）孝順猷君全年穿同一件球衣陪母親打牌 d）何太教打牌：跟著（着）我左手右手一大堆籌碼 請投票！」

相中睇到超欣着咗一件白色露膊衫，晒出香肩，少女味十足，難怪猷君都讚佢女大十八變 ，而家姐超盈就以運動Bra Top上陣，擺晒式甫士仲舉起V字手勢，網友話超盈咁樣着搏啲乜，邪住晒，而四太就着住浴袍拎住籌碼，畀食咗糊嘅超盈，網友都大讚猷君佢哋認真孝順，有仔女陪住相信四太一定最開心。