迎距離接觸！梁漢文等歌迷掹腳毛

歌手梁漢文（Edmond）到電台受訪，他表示這是最後一天宣傳8月的演唱會，之後就要閉關操練，並準備服裝，希望有個難忘的晚上。Edmond認為每次開騷都有難忘事，提到99年首次開騷，Edmond坦言很記得謝霆鋒、蘇永康及張衞健等一眾好友撐場：「佢哋全部飛返香港，諗住之後飛走再做嘢。點知嗰晚3號風球，如果8號風球就要對觀眾宣布可以離開。工作人員好驚，好彩一直3號，到12點幾先8號，好刺激。」他指之後更變成10號風球，所有好友不能離開香港，更開派對狂歡：「醉就梗啦，第日拉大隊請大家食鐵板燒。（今次都一樣多人？）唔知呀，佢哋好多時殺我措手不及。（欠飛債？）佢哋會搵我公司啲人。」

第三次開騷變癲佬

Edmond表示很難忘第二次開騷的鋼琴海，其中一部更是蕭邦彈過。第三次是20周年演唱會，他當時要照顧患病的太太：「當時新年，佢個treatment啱啱搞掂晒，我上台好似癲佬，安樂晒。」第四次開騷是三面台，用了不少投射技術，大家都覺得很好看，所以今次亦會用類似形式。

愈抆愈HIGH

問到與歌迷將有甚麼互動？Edmond透露這次有一個長的catwalk台：「有史以來同觀眾最近嘅一次，佢哋遞起手就摸到結他同拍到我膝頭。」至於是否要保護下身？他笑言要戴保護墊，怕被拍傷：「護住腳位同膝頭，費事佢哋敲得大力，因為佢哋成日都想接觸，驚太近會好似內地騷掹嚟掹去。」記者叫他小心被抆腳毛，他笑言有很多所以唔怕：「我都有班內地歌迷嚟香港睇，都斯文嘅。最多抆一兩條，唔會抆晒，最緊要有刺激感，或者佢抆我一兩條，我腎上腺上升，唱得高音啲、激昂啲。」