詩詠親解《不懂撒嬌的女人》結局之謎！

藝人唐詩詠為無綫新劇《棟仁的時光》開工，對於有份演出的劇集《不懂撒嬌的女人》大結局最高收視29點，未能突破30點大關，詩詠表示未感失望，認為能夠保持到水平已足夠，更指為該劇開播到結局反應好而高興。

「交代得唔太清楚」

對於有網友指開放式結局有點多餘，詩詠對此謂：「其實個sad ending已經係結局，最後條片呢，大家可以當係下一個開始咁睇，因為都冇交代係幾時同邊個階段，咁sad有sad嘅好，係好現實嘅結局。」談到劇情交代她突然離開王浩信，令網友大感費解，詩詠亦坦承劇本的確需要交代多一點：「拍嗰時已同編審傾，交代得唔太清楚，其實因為浩信有婚姻恐懼症，又食藥，咁我都唔想另一半婚後日日要食藥，但唔完美都好，等下集再交代過。」

望攞螢幕情侶獎

問到該劇可會添食？詩詠表示監製也曾提及，但也要看大家反應，不諱言與浩信也想再合作，更謂：「個故事係可以繼續寫落去。（浩信啲戲好搶喎！）都係互相感染啫，佢係畀到好大驚喜，所以都希望年底一齊拎螢幕情侶獎。」