一家四口合照曝光 王力宏畀網民笑醜樣
歌手王力宏同老婆李靚蕾就育有兩個乖女,分別係大女王嘉莉同細女王嘉娜,而呢一次王力宏就趁住端午節就好罕有咁喺微博甫咗張一家四口嘅合照!雖然兩位囡囡都依然未肯「露面見人」,但睇得出兩個都好可愛,尤其係見到佢大女喺度指住隻糉個動作真係可愛到不得了!王力宏仲好Sweet咁話:「今天是大日子,端午節!今年我們家的端午節多了一位成員,糉子也多了一個!」簡簡單單嘅一句已經冧到爆,仲表現到佢哋一家超有愛!但有粉絲嘅重點放咗喺佢嘅中分髮型上面…仲話好唔滿意佢個髮型,而有啲粉絲仲好直接咁話佢呢個髮型好醜…叫佢剪番短咁話!