王菲簡樸Fashion晒纖腰 李嫣腳傷一樣潮

20170531
東網電視
更多新聞短片
王菲帶女兒李嫣享受天倫樂,天后短髮束Tee牛仔褲與阿女白色吊帶裙,潮得起!圖:GO硬工作室
天后王菲同謝霆鋒早前被拍到現身香港機場,霆鋒情深款款望住王菲,據網友描述仲錫錫兩次添,認真sweet!。不過王菲都冇淨係掛住拍拖,對囡囡一樣照顧有加。
日前,王菲就被影到同囡囡李嫣撐枱腳。見到王菲穿上灰色短袖衫配牛仔褲,一貫休閒打扮,特點係天后紥起作Tee,即刻就潮晒,呢啲咪叫做Fashion囉!仲可以乘機展示纖腰,至於細女李嫣亦不弱,着住條白色吊帶裙,勁有少女味,留心一睇,李嫣大腿後方仲貼咗塊黑色膠布,睇嚟唔係Fashion喎,應該係唔小心整傷,但係一樣咁潮。佢哋一大班人入咗酒店醫肚,食到傍晚時間先散局!