【獨家】咀嘴瞓着！阿Sa鬧周柏豪唔識貨

歌手蔡卓妍（阿Sa）、周柏豪於英皇電影《原諒他77次》中有場纏綿咀戲，鏡頭前看似艷福無邊，但原來現實周柏豪卻是「無福消受」，其中一幕阿Sa親吻周柏豪的臉，由於拍攝當晚是深夜，剛拍完通宵戲兼有感冒的周柏豪竟然在床上睡着了，無福享受阿Sa的香吻，周柏豪表示：「因為之前開通頂，仲要連續兩晚，所以真係好眼瞓，呢場戲仲要咁啱喺床度拍，真係好吸引，不知不覺瞓着咗！」

美色當前竟然瞓着，認真走寶，而阿Sa亦搞笑自嘲自己不是如此差勁，並講笑鬧柏豪「唔識貨」。不過，原來阿Sa都曾經中了當晚的「床降」瞓着過，她謂：「因為好夜加上好攰，喺等機位嘅時候，我都瞓着過。」跟周柏豪拍床上咀戲，阿Sa表示沒有尷尬，反而事前有做足「抗病」準備，她謂：「我拍之前都有擦牙，除此之外，因為周柏豪有啲感冒，所以，拍之前幾日我日日都有飲維他命C，希望抵抗啲細菌，但最終都畀佢傳染咗。」