東網電視
更多新聞短片

最緊要自己開心!
1/10
現年52歲的黎明詩(Stephanie)是90年代的玉女歌手,自98年結婚便退出樂壇做人妻,可惜婚姻未如人意,日前出席歌唱比賽評判時更直認「出櫃」,認定Kelly在心目中的「另一半」地位,至於與銀行家丈夫Eric Fung已經分居及辦理離婚手續。Stephanie接受東網訪問,對於在傳媒前勇敢向Kelly認愛成為全城焦點,Stephanie表示:「我又冇諗過成焦點嘅,係好隨意,你哋問到又覺得可以講,又唔係做啲咩壞事,自己都過咗某個年紀,都想做番一啲自己想做嘅事。」
食咗誠實豆沙包
Stephanie與Kelly是緣分令兩人走在一起,早在30年前在英國認識,但年多前才在港重遇,她謂:「最緊要互相相處溝通到,大家好夾嘅,Kelly又好鍾意聽歌。(聽聞佢仲聽緊你唱嘅歌?)係囉,我都問佢做乜成日聽住。」Kelly有冇好意外?Stephanie笑謂:「佢估唔到,冇人估到,包括我自己都估唔到講出嚟,真係神差鬼使,朋友都笑我係咪食咗誠實豆沙包,食咗十個八個。」
沒後悔一時衝動認「出櫃」?Stephanie爽快說:「冇喎,我冇後悔喎,講咗就講咗,我哋都好出㗎啦,出咗咯做乜要後悔!又唔使去特登隱暪,我啲朋友都知道晒啦!朋友家人都戥我開心。」一直有傳家人很反對黎明詩與同性交往,不過最令Stephanie開心是家人看到報道後的反應:「佢哋好支持,我都估唔到,因為屋企人之前都係估估吓,只係聽聞過但又冇問我,我爹哋係睇東方嘛,佢一睇到就話好開心呀,只要你人生開心就得,唔使理人哋點睇。」
老公變好朋友
身份仍是老公的Eric可會因她出櫃而感尷尬?Stephanie表示:「佢冇乜嘢,佢都放下咗,我哋係親人咁,我哋都有不時約食飯見面講吓動向,我哋係好和平分開嘅。(咁佢有女朋友未?)我又唔知喎,唔會問呢啲問題。」講到與Eric沒有小朋友,算少一個顧慮?Stephanie則言:「我哋都想過生小朋友,但又唔成功,可能我哋命中注定冇呢個子女緣分。」Stephanie亦坦言在Kelly之前都有人追求,她卻沒有接受:「唔係男定女問題,係夾唔夾,亦唔係受咗刺激搵個女,絕對唔係呢個心態決定呢件事。」
減肥復出
講到有些同性伴侶為想有下一代而借肚生B?Stephanie說:「我又冇咁諗,因為小朋友要好畀心機教,依家我年紀都唔細啦。」若再踏歌壇Kelly可會支持她?Stephanie說:「支持,最緊要我開心!」不過,Stephanie自嘲現身形有點「圓潤」,要公開演出則要先瘦身及練歌,現每日都有一至兩小時做Gym。另外,Stephanie反而想為慈善出力,正籌備製作一張慈善黑膠碟,想與一班新進歌手一齊合作做音樂,而唱片收入扣除開支後捐作慈善用途。
化妝:Jan Chan@ANNIE G.CHAN make-up centre
髮型:Wylie Suen@QG PRIVATE i SALON
場地:粵桂樓

黎明詩爸爸都有睇佢嘅出櫃報道。

黎明詩嘅另一半都估唔到!

黎明詩依家積極keep fit。

黎明詩爸爸都好支持佢嘅決定。

黎明詩同老公仲未正式離婚,但依家關係變咗,係好朋友。

等待復出!

黎明詩今次出櫃,佢自己都估唔到。

想唔想有小朋友?黎明詩就話未諗。

加油呀!