馮盈盈劉穎鏇齊齊春光乍洩

2016年香港小姐馮盈盈、劉穎鏇、陳雅思及張寶兒到銅鑼灣出席「TVB 50年 香港小姐 美麗是贏家 招募行動」，盈盈在示範行路儀態時，露出「缽仔糕」，劉穎鏇示範坐姿時，下身走光。

盈盈向各位未來師妹畀貼士，她說：「一定要食飽飯先去面試，同埋記得要帶件外套，因為一般嘅面試可能好快完成，但係港姐面試就需要長啲時間，如果唔食飽啲，肚餓嘅話，就會影響面試嘅表現。」

盈盈又表示已有想提名參選港姐的人選，她說：「我讀戲劇班有位同學想參加，但係我唔可以開佢名，怕報道出咗嚟，佢覺得有壓力唔選，會怪責我，佢有演出經驗，唱過歌。（有冇叫啲讀書同學參選？）冇，佢哋好多都出咗嚟做嘢啦！」