被力捧取代吳若希？Hana：佢永遠係一姐

歌手菊梓喬（Hana）接受電台節目訪問時，談到獲機會主唱劇集《不懂撒嬌的女人》歌曲《手中沙》並得到好成績，Hana表示很值得高興，更覺得無論幾辛苦都算是為自己打了強心針。問到入行1年，還有甚麼不習慣，Hana直言覺得自己做得未夠好，希望可以在音樂及面對傳媒時更得心應手。提到唱劇集歌會容易入屋，但又會少咗投放自己的想法，Hana坦言：「我覺得冇抵觸，因為音樂係好大，我會繼續創作我嘅音樂，同時都會繼續唱公司揀畀我嘅歌。（會好着重點擊率？）冇㗎，由頭到尾做音樂都係想分享，大家聽到大家鍾意就夠，對我嚟講音樂係一樣好單純嘅嘢。」另外，談到傳被公司力捧取代吳若希，Hana即笑言：「佢（吳若希）永遠都係我哋嘅一姐，佢會返嚟㗎嘛，做好本份已經好好。」