加盟華納第一炮　許廷鏗6．12出新歌

歌手許廷鏗（Alfred）約滿無綫旗下的星夢唱片，東網早就率先爆他會過檔華納唱片，雖然之前傾約過程有少少阻滯，但上星期東網已爆Alfred已經秘密與華納簽約。今日凌晨Alfred在社交網上載一段片，內容：「每個人記憶中都有屬於自己的號碼。」接住就見到「＃2868」，之後他留言：「你這刻想到的是什（甚）麼號碼？」同時間，在華納唱片的專屬官網，同樣上載同一條片，印證了Alfred跟華納的互動關係。

今日東網向華納董總經理李仁佳（Gordon Lee）求證，Gordon承認許廷鏗加盟華納這大家庭：「係呀，之前一直傾緊，但未係一個最好嘅時候可以同大家分享，依家可以正式話畀大家知Alfred已經成為華納其中一個歌手，我一直好欣賞Alfred嘅才華、歌藝，好開心終於可以羅致到佢加盟華納，好快就有佢嘅新歌。」據知「2868」這組密碼是Alfred加盟華納的新歌有關，新歌將於6月12日就推出。