中德混血模特兒貝安琪（Ankie）上月為外籍時裝設計師男友Simon van Damme誕下B仔Sebastian，取名貝小龍。Ankie希望囝囝健康開心，做個happy boy，在一片望子成「龍」的氛圍下，她堅拒做怪獸媽媽，要讓兒子有個快樂的童年！

囝囝未飲過一啖水

貝安琪Ankie今年二月一日在家鄉慕尼黑誕下兒子Sebastian，轉眼間囝囝已經三個多月大，這天她與未婚夫及囝囝首度一家三口出來拍照，小小的Sebastian眼仔睩睩，表情多多，對周圍事物十分好奇。Ankie透露現時仍以母乳餵哺，又指囝囝出世以來都沒有讓他喝水，因為初生嬰兒不適合喝水，口渴和肚餓就給他喝奶，所以囝囝是大隻B。在慕尼黑產子的她，大讚當地醫院非常漂亮，十足度假屋，難怪Simon笑說：「地方咁靚可以生多幾個！」

望囝囝做Happy Boy

Simon擁有摩洛哥及加拿大血統，所以Ankie與Simon分別以五國語言跟囝囝講話，包括：德文、法文、英文、國語及廣東話，她笑說：「Simon喺香港長大讀書，所以其實佢國語好好，亦識聽廣東話，所以講嘢要小心啲，哈哈！」囝囝取名為「貝小龍」，因為Simon喜歡龍，中國人都想「望子成龍」，從小就要開始培育子女，Ankie就堅拒做怪獸家長：「我會畀佢喺出面沙灘玩水玩沙玩泥，搵佢自己鍾意嘅興趣，我唔會迫佢又要學彈琴、學結他，依家好多小朋友要學好多嘢唔開心，我希望佢做一個happy boy！」囝囝精靈可愛，Ankie笑指若有廣告商邀請她們母子檔拍廣告，她不會介意。談及婚禮籌備情況？她笑說：「Simon話佢好肥，要減咗肥先，因為會影結婚相！」

服裝：Whistles（Ankie）

髮型：Timothy Lee@Headquarters Hair Salon（Ankie）