未正式求婚？陸漢洋先封苟芸慧「盤」

苟芸慧與陸漢洋公開戀情，不時大放閃光彈，據知兩人拍拖約一年，男友已見過家長，苟姑娘媽咪十分滿意「未來女婿」，覺得佢好專重老人家，做事細心又有責任感，好放心將個女交畀佢。而陸漢洋對苟芸慧亦出盡力，除咗關心佢健康外，當女方離開無綫，事業處於低潮期時，唔單止搵人幫手，安排、介紹工作畀女友，令佢事業上可從新出發。而女方雖然已收男方訂情鑽戒，但據知未正式求婚，今年內都未有計劃結婚。

近日仲傳出好事近，有指苟姑娘收到男友嘅家傳之寶鑽戒，東網向兩位當事人求證喜訊時亦冇否認，睇嚟就快有好消息宣布喎！，

此外，肥水不流別人田，陸漢洋成立的「一颷賽車WIN MOTORSPORT」車隊，苟芸慧將會擔任車隊形象大使。陸漢洋今日喺自家車隊嘅社交網晒相，相中見苟姑娘企喺陸漢洋隔離，仲小鳥依人咁挨住男友，SO SWEET！重點係陸漢洋留言話要同女友以後征服所有人生競賽，似乎默認喜訊，佢寫道：「一切由賽車開始，以後我們手牽手去征服所有艱難的人生競賽！沿途是誰伴我走挽我的手。」

其後，苟芸慧亦有在社交網晒合照回應陸漢洋，sweet爆留言話：「Always my number one」