黎明揸車唱兩嘴 行錯隔籬線都唔知

20170608
東網電視
更多新聞短片
大家又要準備定個Like掣。
天王黎明(Leon)近年吸金力特強,演唱會、真人騷、拍劇全部都有份,仲要有時間平時上吓網玩吓Facebook咁,啲時間真係Chur到爆!
講開佢個FB,Leon今日一早就同大家Say Hi喇,佢喺晨早六點幾上載咗條揸車片,今次佢就冇再嚟經典Hip Hop Rap爆網絡,反而係High爆高歌一曲,先有留言:「早呀!大漠Puppy❤️」再自爆自己身在橫店,當時就開緊車去大漠,車中緩緩響起《陳百強 林姍姍 - 再見Puppy Love》嘅前奏,Leon即刻跟住個Beat點點頭,再開金口:「柔情萬縷~~竟分不了先後~~~~」唱多幾句,仲拎起車中嘅草帽嚟戴,成個度假Feel出晒嚟~
But……忽然背後有把聲喝住Leon:「咪住!咪住!行番隔籬線呀!」Oh……沉醉於音樂世界嘅Leon都仲要唱多兩句,先除咗頂帽,再問:「行錯線咩我?OK,唔緊要,再一次~~~」呢個Care Free嘅程度真係無人能及,不過好彩當時兩條行車線都冇車,錯咗都即刻行番啱,Leon,下次唱歌記得都要留意路面情況呀!!