結婚12年　阿田孖壽星杜汶澤Double慶祝

藝人杜汶澤同太太田蕊妮（阿田）雖然結婚多年，人前人後依然十分恩愛，不時都會喺社交網站放閃，一班網友都大叫葡萄呀！昨日係二人結婚12週年紀念日，而今日就係杜汶澤嘅45歲生日，呢兩個大日子，佢哋當然慶祝一番啦！杜汶澤就喺社交網站透露同阿田去咗當年擺酒嘅酒店食大餐，真係夠晒浪漫呀！

而阿田亦都有喺社交網站上載咗二人嘅合照，仲留言話：「我們認識至今23年，拍拖6年，結婚12年，我人生的大部分時間都有你存在！恭喜你娶到個又靚又好嘅老婆，亦都恭喜我自己嫁到個又搞笑又文藝嘅青年！好感恩這些年，我們都明白並且接受彼此的不完美，在這個過程當中慢慢地去坦誠面對自己的不完美，我想這大概就是婚姻吧！願我們能在這個不完美當中繼續成長，並祝你生日快樂，身體健康。#謝謝美芬&湯米朱為我倆準備甜到入心的蛋糕。」一班網友為杜汶澤送上生日祝福之餘，仲大讚佢哋兩公婆夠晒恩愛。