湯洛雯捉姦　姚子羚被誤會做小三

藝人姚子羚和湯洛雯在將軍澳拍攝無綫新劇《燦爛的外母》外景。戲中湯洛雯就跟住媽咪薛家燕撞破老公黎諾懿和前度姚子羚密會，但實情是兩人正傾談搞生意大計。問湯洛雯有否試過捉姦，她表示沒有，但試過Check男友電話：「港女十式！趁佢去洗手間就睇吓！」更笑謂Check過一次便會上癮。

姚子羚就試過發現前度袋住電話睡覺，之後就心思思想Check電話，最後發現「一啲嘢」，所以跟對方分手：「又試過幫前度覆Message，有個內地女士搵佢，問『親，你記得我嗎』，我覆番佢我係佢女朋友，佢就即刻話『唔好意思，打搞晒』。」令對方知難而退。另外，湯洛雯透露今早與黎諾懿在墳場拍求婚場面，非常破格。