杜汶澤終講出田蕊妮遭賴帳真相

杜汶澤早前在其主持的奇妙電視節目《杜汶澤食住上》中向嘉賓江若琳爆料指，太太田蕊妮曾在內地登台時遭老闆賴帳，對方更拔槍指向阿田稱打算不給酬勞，東網曾向阿澤問及事情經過，他與阿田都不欲多講，但指阿田最終拿到酬勞並順利完成演出。

而節目終於在今晚播出，阿澤在節目中道出真相：「當時杜太打畀我，我就聯絡深圳啲朋友啦，六、七十個左右，佢哋坐旅遊巴上去，點知過咗陣杜太就打畀我話冇事喇，老闆會畀酬勞，仲話會正常演出，仲要我叫啲朋友唔好上去啦！咁問到個老闆點解拎埋槍出嚟，杜太話係『老闆講吓笑』，咁都得？咁我就打畀啲朋友啦！嗰萬八蚊事後都唔夠我去請客！」