朱千雪big big channel邀小朋友傾心事

藝人朱千雪為無綫節目《Big Big小明星2017》錄影，已有四年沒有做司儀的她，直言心情緊張，對於與森美拍檔，問到有否擔心對方爆肚未能應接？她謂：「唔會，啲小朋友千變萬化，排咗三日長期唱歌同埋跳舞，我真係唔夠佢哋嚟，要認老，佢哋好Hyper，講嘢好直接，鬥口才我一定輸。」

對於即將面世的big big channel，千雪表示有意邀請小朋友透過平台傾心事，了解他們讀書的苦與樂，坦言也喜歡小朋友，但生小朋友一事會遲一步再想，問到可有找到男友？千雪坦承有了解中對象：「係識咗好耐嘅朋友，都係一個啫！我好專一，所以順其自然啦！」