王君馨忙完婚禮興奮報喜:我係章太喇!

20170613
東網電視
更多新聞短片
真係聽到都覺得王君馨佢好幸福!

現年31歲的藝人王君馨(Grace)昨日同圈外男友Daniel喺美國紐約舉行婚禮,圈中好姊妹鍾嘉欣、李亞男、衛蘭、裕美等專程飛往參加!忙咗一日嘅Grace完成人生大事,喺香港凌晨時間,她終於回番氣,當收到攝影師照片,即向大家報喜訊。

Grace開心分享婚禮:「我昨日喺紐約嘅6月11日同Daniel結咗婚啦,好嘢,哈哈!非常之開心,朝早一班姐妹幫我着褂,我哋亦有斟茶畀父母,嘉欣除了maid of honor(伴娘),仲做咗我嘅大妗姐,因為我冇大衿姐。」而一班姐妹亦十分有心,特別作咗首歌以Rap歌形式,即場唱出祝賀新人,Grace話:「佢哋好sweet,準備咗十分鐘嘅sharing,同埋加咗Rap歌,Rap咗好sweet嘅詞畀我同我老公仔。」

婚禮成個過程既溫馨又感動,Grace話嘉賓好多都感動到喊,而一對新人當然既感動又開心,跟住Grace仲大呼自己已正式榮升章太,話:「好開心,我哋(與老公相識)11年11個月14日已經過咗啊,我今日係章太嚟喇,下個月11號見啦,我好幸福。」Grace舉行婚禮後,下月11將在港補擺喜酒。

另外君馨亦喺社交網上傳她同老公跪地斟茶嘅相並留言表示:「和你一起,是我人生最大的福份(分)」