造型似成龍！陳奕迅演打戲手腳唔協調

歌手陳奕迅（Eason）和李榮浩在西貢出席新戲《臥底巨星》造型拜神，其中Eason便以粉紅色皮製唐裝Look亮相，激似巨星成龍的Style。問戲中演武打巨星的Eason是否參考成龍來演出，他即謂：「唔係完全參考成龍，但佢係一個好標誌嘅動作巨星。」更笑指雖然着唐裝夠氣場，但設計師所設計的戲服全為粉色：「好姣！過年用得番！」

Eason又透露要為電影操練，笑指在訓練過程中發現自己手腳不協調：「仲辛苦過真打！」而李榮浩亦指寧願在拍攝時被打：「打人壓力很大，會不好意思，被打只是痛一下。」

之後，Eason更即場示範出拳時「收油」：「收嗰下好辛苦！」記者笑他的示範甚有成龍Feel，他即謂：「細細個睇佢啲戲睇到大，實有佢啲影子！」之後更擺出成龍式動作喜劇表情，非常搞笑。問會否怕被指醜化成龍，他即謂絕無此動機：「如果有都係唔覺意，唔係特登！」而李榮浩就指會為電影待在香港一段時間，Eason聞此即指自己會趁機會跟對方聊聊音樂。