為份人工焗忍　Hana慘遭同事欺凌

歌手菊梓喬（Hana）出席搵工活動，她透露曾試過手持個人履歷到展覽搵工，Hana說：「試過兩次都成功，不過兩次都係做兼職。」一直喜愛音樂的Hana坦言打工只是為份糧，她說：「過去做嘢全部都係做兼職，因為做全職冇時間做自己喜歡嘅音樂。」問到曾否試過遭同事冷言冷語？Hana說：「簡直欺凌。（講粗口鬧你？）鬧我媽咪囉，都幾難聽同侮辱。（有鬧番佢？）冇，我打工都係為份人工，所以忍吓就算，嗰份工只係返咗10日。」作為新人的她問到在行內有否遭上白眼及難聽說話？Hana說：「冇，反而啲人好好同錫我，可能唔同世代，仁慈心好重，個個都好有禮貌，同事又好好，依家覺得打份開心工，最緊要係同事好。」