名人：長腿有！胸器有！王麗嘉水着索爆

藝人王敏德同名模馬詩慧細女王麗嘉（Irisa）身材好到爆就眾所皆知，佢仲經常喺社交平台晒身材，向網友大派福利，而今日Irisa又喺社交網上載靚相，仲話：「shooting w the best photographer @myboyfriend！（我嘅男朋友係最佳攝影師）」

相中可見，王麗嘉就着住黑色入膞衫，大晒長腿，展現其美好身段。未幾，Irisa再上載着住三點式泳衣嘅自拍照，唔單止大晒胸器，再騷纖腰，睇到網友都高呼鼻血直流，仲話真係好想好似Irisa嘅身材咁好呀，總之就靚爆啦！

未幾，家姐王曼喜亦同網友分享晒背相，實行嚟個「影後」呀！相中就見到曼喜晒得一身健康嘅膚色，仲有個泳衣印㖭，網友都大讚曼喜個玉背好靚，仲話佢同妹妹日日輪流甫靚相，真係夠晒大方！

無綫36E咪神陳婉衡今日同樣都喺社交網上載三點式泳照，原來佢去咗西班牙嘅巴塞隆拿，享受陽光與海灘，相中就睇到陳婉衡瞓喺度享受緊陽光，唔止單晒眼，亦將其「Big爆上圍」表露無遺，網友都睇到嘩嘩聲，簡直迷死人喇，佢哋仲話好想同陳婉衡一齊享受陽光與海灘！