仔女考緊試　張達明父親節食餐飯

藝人張達明到沙田出席講座，問到如何與子女慶祝父親節？他說：「父親節就梗㗎喇，唔使講，有咩節目呢，就係大秘密，不過其實都係食吓飯。（前妻會同場？）都係咁㗎喇，最緊要開心，佢哋考緊試，如果唔係帶埋佢哋嚟聽講座。」

談到講座主題「生死兩相安」，曾經歷大病的達明說：「我嘅分享就寫咗喺大會本書入面，今日主要嚟想聽常霖法師講解，之前我嘅舞台劇《塵上不囂》劇本，佢畀咗好多意見，寫咗好多話語畀我，佢仲提出有句對白字幕『波羅蜜』，我哋寫咗草花頭，變咗食嗰啲『菠蘿蜜』。（你有冇宗教信仰？）作為創作人，我冇宗教信仰，因為唔想局限創作，但我傾向佛教思想，試過見過尼泊爾一位高僧，透過翻譯，講咗好多嘢我聽，令我感受好深。」

此外，常霖法師（前名葉青霖）在講座上分享對生死的思考，前妻廖安麗亦有到場。