仲有一年畢業！陳法拉讀完書結婚定拍戲？

藝人陳法拉在尖沙咀出席荷里活動畫《壞蛋獎門人3》首映禮。穿五吋高踭鞋騷出半截長腿的她指會在香港度過暑假，而間唔中亦會回內地工作，還一還廣告債，又指之前與美國攝製隊到她的出生地四川成都進行拍攝工作：「有五、六年冇番過去，變化好大！」更笑謂自己除了講普通話變得生疏，就連廣東話都已經「生銹」。

問到法籍外交官男友有冇陪她去四川？法拉指雖然對方想去，但未能在工作中抽身前往：「其實我一直返學，都冇咩時間旅行，仲有一年就畢業，可以放吓假。（佢見過你屋企人未？）見過，有時佢哋都去紐約睇我演出，所以都會一齊睇，我每學期有兩個話劇。（讀完書就結婚？）讀得咁辛苦梗係拍戲啦，依家都係了解當中，相處吓先啦！」更笑指男友見到她登上雜誌封面會自豪，而她亦會為對方翻譯內容。