黃貫中沙灘抱女勁Sweet

20170618
東網電視
更多新聞短片
係愛呀!
音樂人黃貫中(Paul)同太太朱茵結婚多年都恩愛如昔,而2012年生咗囡囡黃鶯後,一家三口更加幸福滿瀉。今日適逢父親節,朱茵就喺社交網上載咗一張Paul喺沙灘上抱住囡囡嘅相,囡囡黃鶯仲笑得相當開心,場面非常溫馨,不過朱茵就話:「我告訴老公:『女兒很快會忘記了這一刻。』他說:『我知道,但我永遠不會 !』祝各位父親節快樂 !」網友都話父母嘅愛永遠都係最偉大,仲話相信呢張相Paul同朱茵永遠都會記掛在心上。
另一邊,今年4月榮升新手媽媽嘅吳若希(Jinny),不時都同網友分享佢同囡囡淼淼嘅生活點滴。今日Jinny亦喺社交網上載咗男友Alex與囡囡對望嘅相,並留言:「First Father's Day(第一個父親節)」睇相都感受到Alex對囡囡流露住嘅父愛之情,隔住mon都感覺到佢哋嘅幸福,網友亦都話相信呢日對Jinny同Alex嚟講都一定非常難忘呀!
而歌手關心妍亦同樣喺社交平台上載一家三口嘅合照,亦話:「我們第一次過父親節 #joviayang 心心在playgroup 自制小手掌鎖匙扣送給 @yangjonas 爸爸的第一份禮物!(因為我自小爸爸離異,對於從來沒有過父親節的我,有點感動到,就這樣填滿了我一直心中的遺憾。)感謝你們Jonas,Jovia&Butter」獲網友大讚相當sweet呀!