6個0解開酒店保險箱？陳庭欣測試結果係…

唔知大家去過咁多次旅行，係咪一入酒店就已經要即刻開電視，然後將電話連上WIFI，再舒舒服服咁攤喺張床度好好休息吓呢？之不過，大家又有冇留意同好好運用過房入面個保險箱去擺貴重物品呢？

近日藝人陳庭欣（Toby）就飛咗去西班牙巴塞隆拿，佢喺社交網透露於酒店房竟然遇上古惑的保險箱！點解咁講？事源佢喺社網站大玩直播，喺片中首先示範點用個保險箱，佢話：「首先已經自己諗一個3至6個位嘅密碼，我依家用我三隻鸚鵡嘅日子，131931 lock！」但鎖咗呢個保險箱都唔代會安全㗎，唔少網友都提議Toby扮唔記得密碼，用萬能嘅「000000」試下開唔開到！點知…點知…網友最期待嘅畫面真係出現咗，個保險箱真係開到喎！連Toby都忍唔住話：「我唔係呃大家呀，真係開到㗎！」

咁神奇梗係要再試吓啦，今次Toby設定一個4個位數字嘅密碼，之後再用「000000」去開，點知又係開到喎，令佢忍唔住再講：「嘩！好神奇呀！所以根本就唔需要用密碼，係咪好危險呀？」之後無論Toby set咩密碼，只要用「000000」去開，就百發百中每次都一定開到！

雖然成班網友花咗唔少時間去睇Toby做呢個實驗，但竟然有網友話佢好無聊，喺呢個時候，Toby就為自己平反話今次係為大家作嘗試：「真係要試吓㗎，如果唔係畀人攞咗啲嘢，咁點算呀？」但亦有唔少網友都好感激Toby親身為大家試驗，令大家長知識！

網友有話兒：

Jonxxxan Chxxxg：多謝示範？

xxgo xxgo：你唔係無聊到玩保險箱咩？

Sam Axxy ：好似開保險箱用「0000」就開到

Boxxro vxn Rxxel：要買把鎖了XD