最激情慾戲 李佳芯同張振朗女上男下

20170619
東網電視
更多新聞短片
李佳芯同張振朗有情慾戲。
藝人李佳芯(Ali)、王浩信及蔡思貝等,於尖沙咀出席無綫新劇《踩過界》記者會。Ali於台上被問及做過最踩過界的事情,她笑言會「乜都唔戴」就落街跑步Keep Fit,令人誤會她會真空跑步,惹得全場大笑。
拍得畀想像中激
其後Ali於訪問中就表示會衣着整齊去跑步,但全身上下就只有一條門匙。Ali直言今次角色思想比較開放,問她可有激情戲份?她透露會與張振朗出演自己從演以來最激的情慾戲:「會有一幕同張振朗女上男下,今次角色難免同男對手有情慾戲,但拍得比我想像中激。同張振朗嗰場係So Far最激嘅。(要裸露?)要除衫,嗰場係同王浩信嘅床上戲。(除到邊?)露肩同背。如果裸露的話,譚凱琪有場全裸戲,陳庭欣都會裸上身。」
唔使同男友備案
問Ali出演激情戲要否向緋聞男友陳炳銓備案?她說:「點解要?唔需要同任何人備案。」講到陳炳銓近日出演ViuTv劇集時與女對手埋身肉搏,他事後亦同樣表示不需向任何人交代,問到Ali是否與男方夾晒口供?她笑說:「我完全唔知,邊個呀?做演員好難免,唔需要交代,係工作上角色需要去就去。」
----------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://goo.gl/fTjh3C