胡楓鮑起靜爽快答應　克勤新歌MV超感人

歌手李克勤入行30周年專輯《30克》，全新派台作《失魂記》是講近年非常關注的腦退化症，而該MV更邀得兩位前輩級演員胡楓和鮑起靜參與拍攝。

修哥鮑姐爽快答應

構思這首歌時，克勤已意會這個題材會引很多人有共鳴，而且發生在一對老夫妻身上，定必是個感人的故事。克勤希望這個MV，可以由兩位令觀眾好有親切感的演員演出，於是便親自邀請了胡楓（修哥）及鮑起靜參與今次拍攝，兩位亦爽快答應。

鮑起靜在MV中飾演患上腦退化症的婆婆，而胡楓就是待在她身邊，不離不棄的老公。飾演二人兒子的克勤坦言得到前輩們的助陣，為MV有個好開始而興奮萬分。鮑起靜聞言回應：「我都好開心有機會同偶像（指住克勤）合作，而且唔講唔知，我同修哥又係未正式合作過，所以今次拍得好滿足。」胡楓續說：「我同克勤上次合作已經係《浪族闊少爺》，你今年又成立三十週年，收到你電話點可以拒絕呢！」

克勤非常體貼

拍攝當日，天文台發出酷熱天氣警告，又有不少戶外拍攝場景，克勤非常關心兩位老人家狀況，毋須埋位時便叮囑兩位到陰涼處休息，要多喝水。期間可能太舒適，胡楓就不期然睡了個晏覺。後來胡楓又拿出手機，跟曾孫玩FaceTime消磨時間，克勤見到也攝入鏡內，跟可愛曾孫打聲招呼。

梁榮忠首執導

而今次MV由克勤的好兄弟梁榮忠執導，這位老死非常抵得諗，原本有工作在身未能抽空，但克勤叫到，儘管要改動其他工作日程，也要為老友出一分力。結果花了一整日時間，便拍出這個看後令人熱淚盈眶的動人故事，可見它既是一個MV，也是一部滿有洋蔥的微電影。忠仔說：「我覺得克勤好大膽，因為我未試過拍MV，佢又敢揾我做導演唔怕爛尾。」正當克勤想開腔派定心丸之際，精靈的胡楓就搶住秒回：「克勤大膽就出晒名，如果唔係點會娶得美人歸。」只見被取笑的克勤一臉無奈，舉手投降並笑謂：「真係幾時都唔夠修哥講。」