名人：楊張新悅懂得如何培育女兒成材

名媛楊張新悅今日以「星級有機媽媽」身份出席有機活動，還拍了一段短片推廣香港有機食品。她透露平時會選擇有機食物，怕囡囡吃太多基因改造或激素食物：「屋企啲食物都用有機，出街食就冇辦法，食少莫食差，連雞蛋我都會食唔同地方嘅有機蛋，因為我覺得每個地方嘅出產都有佢嘅益處。」

問暑假會否外遊？她表示原定計劃去歐洲及英國旅行，但認為英國不安全，會改變行程：「好彩未訂機票酒店，始終帶住三個小朋友都驚，有事我自己就話可以跑得快啲，同小朋友一齊有啲難。（轉去邊度地方玩？）未定，但一定會出去，香港地方太細，想小朋友見識多啲，就算唔去外國，都去長城行吓。」

此外，問有否留意最近在《全美一叮》爆紅的香港小妹妹Celine（譚芷昀），她謂沒有看她表演片段，至於有負評扼殺了她的童年，楊張新悅說：「好難講，如果發現小朋友有獨特嘅天資，都會去培育，我自己都知三個女要點樣培養佢哋，但個人嚟講就會遲啲先做。」