今日港姐面試有逾百位佳麗現身，當然有唔少卧虎藏龍來自各行各業，現年26歲報稱為便利店店員嘅Charlotte，希望由便利店攻入娛樂圈呢分決心，真係令好多網民食晒花生咁話佢超有自信！睇番Charlotte嘅社交網站，佢真係勇字喺心口，唔少素顏相任睇唔嬲，仲同唔少港女一樣，得閒就玩自拍，食嘢嘅時候影，搭車嘅時候又要影，追星時更加要影，曾經同視帝陳展鵬與及女神傅嘉莉集郵之外，甚至影番輯寫真！

唔好心邪，寫真都分好多種，佢影嘅係有着衫唔係水着，仲要係交晒戲，大擺憂鬱嘅pose！而佢都跟足個trend做過「金毛玲」，舊年染過一頭金髮之餘，雖然佢身形唔算fit，見佢嘅相都知佢平時唔係食就係玩，做運動跑步就冇喇，頂多拉吓小提琴，仲攞住包薯片作勢隊落肚，真係大無畏。