同英超球員撞樣　柏豪：邀請做替身！

歌手周柏豪現身電台宣傳廣播劇，接受訪問時，他透露今次會跟兩位素人一起錄廣播劇。已有多年冇錄廣播劇的柏豪坦言非常緊張，因為劇內有充滿內心感受的獨白而邊錄邊震，還笑言同後生仔共事要加倍出力，因為一個唔小心就會被對方搶fo。

談到工作方面，柏豪指現時都忙於宣傳電影及出席謝票活動，又謂如果達到一千萬票房就會扮AV男。講到同英超球員基亞利殊撞樣，柏豪搞笑話如果有同自己一樣樣嘅人要邀請對方做替身！其後柏豪表示會推出新歌，不過因為今個星期尾就同華納滿約，所以稍後都會公布新公司的去向。問到是否要讓位給許廷鏗，他笑言：「唔係，公司冇位架，歌手都唔使成日返公司。」

另外，提到連詩雅被華納就合約問題入稟高院，控告連詩雅的經理人公司Starz Track Limited，柏豪坦言知道這件事。