歌手胡琳現身電台宣傳新碟《Me and You》，接受訪問時，透露相隔十年再度推出第二隻英文專輯，不過裏面收錄了兩首廣東歌當bonus track。

胡琳表示今次放棄了用好多樂器及樂隊來伴奏，只用了一支結他和人聲去處理，好彩歌迷都喜歡，亦指稍後會推出黑膠碟：「自己心態係唱多一首就消耗緊自己個quota。（計畫退休？）唔係，只係咁樣個動力大啲，對自己要求更高。」另外，她指即將於月尾會去上海演出風雲音樂劇，笑言昨晚已經收到陳太的訊息，叫大家密鑼緊鼓進行排練。