【獨家】34C李旻芳沙灘解「峰」玩胸壓

20170622
東網電視
更多新聞短片
嘩嘩嘩!李旻芳呢次嚟個大解放!
34C無綫咪神兼《東張西望》主持李旻芳(Lucy)與黃耀英(Darren)拍拖3年,一直愛得癡纏!日前東網發現兩口子到沙灘「連體」拍拖,穿上三點式的Lucy咪咪大解放,搞到血氣方剛的Darren熱辣辣,要女友幫手除衫,又Man爆地來一招「新娘抱」,冧到Lucy跳上背脊送「波餅」!
李旻芳(Lucy)與Darren自拍拖以來一直表現恩愛,早前更明言想買樓結婚。由於暫時未能同一屋簷下晚晚癡纏,兩口子日前到沙灘拍拖,忍不住當眾玩「纏綿遊戲」!在沙灘換上泳裝後,Darren即「暖男」上身,蹲下為女友穿鞋,以免Honey拮腳,期間Lucy冧爆地望實男友,搞到倒瀉34C上圍,令Darren瞬間被辣㷫,忍不住叫女友幫他脫掉上衣!
騎上背漫步
兩人起初跟一般情侶無異,不時頭貼頭自拍,Darren又充當攝影師為婀娜多姿的Lucy拍照,還懂得低炒營造「長腿」效果,似乎相當熟手!其後二人愈玩愈起勁,開始旁若無人埋身「肉搏」,Lucy突然跳上Darren背脊,讓男友孭住她在海邊漫步,期間上圍因緊貼男友背部而變得更「立體」,Darren亦施冧招「回禮」,Man爆地一把抱起Lucy玩「新娘抱」,冧到她笑唔停!
玩完一輪,Darren到士多買汽水下火,更識做地餵女友飲,甜入心的Lucy即埋身攬到男友實一實,二人「連體」對望甜笑,非常冤氣!