做畢業禮嘉賓！劉兆銘望培育演藝人才

藝人劉兆銘以主禮嘉賓身份，到演藝學院出席第三十一屆畢業典禮。提到他有份演出的新劇《賭城群英會》被指甚有港產片風範，他說：「我拍嘅時候都冇睇playback，因為想試一種有別於以往嘅演出方式，稍後我嘅角色會有好多篇幅，賭到入魔，同自己靈魂對賭。」

劉兆銘又指當看到新一屆的演藝畢業生，令他相當感動，他說：「喺畢業禮上有好藝術家聚首一堂，亦都睇到好多老師花好多精神，唔休息咁去教學生，只有演藝學院投入咁多精神，請咁多老師！（想唔想有其他機構都做到呢種作育英才嘅工作？）想，八和、其他大老倌都想，但我忙於自己工作，唔似以往一代徒弟睇住大老倌嚟學習、透過實習得到學習機會。（是否願意以老帶新，幫助新一輩畢業生？）任何藝術、台前幕後都係要跟師傅，學院係有次序嘅教學，唔只有系統，側邊有其他附助嘅嘢可予取予攜，但現時不少觀眾都可以透過互聯網認識更多世界各地藝術家，新一代學生要做到『嘩一聲』嘅效果，就要更加努力！」