Celine落机赶返学　谭顺生唔答诚信问题

9岁嘅香港小巨肺Celine（谭芷昀）近日在美国才艺节目《全美一叮》（America's Got Talent），凭Celine Dion名曲《My Heart Will Go On》技惊四座，今日Celine由爸爸谭顺生陪同下，喺美国洛杉矶返香港。

上午6时许谭顺生拖住囡囡Celine现身机场，Celine戴住粉红色cap帽步向停车场方向离开。问到谭顺生近日有咁多负面新闻，可会怕影响囡囡参赛，佢只回应：“Thank you，最紧要系AGT（America'a Got Talent）。”问到系咪要赶住返学，谭顺生话：“系呀，专登赶返嚟返学，返学好紧要！”问到任何有关薛家燕及诚信问题，他一概表示不回应。至于问到Celine心情如何，佢笑笑口话：“好开心！”问到下次参赛会唱咩歌，谭顺生谓：“唔讲得住喎，因为签咗保密协议，不过有20几首拣紧。”之后就登上黑色七人车离开机场。