仔仔19歲生日 馬德鐘孖老婆送乳齒做禮

20170623
東網電視
更多新聞短片
20顆乳齒,真係好另類。
藝人馬德鐘與太太張筱蘭嘅仔仔馬在驤唔單只外型帥氣,而且游水亦都非常叻,拎過唔少嘅獎項,絕對係運動型健將,迷倒萬千少女。噚日就係馬在驤嘅19歲生日,向來非常疼錫仔仔嘅馬德鐘同太太張筱蘭,當然就要同仔仔慶生啦!
張筱蘭仲喺社交網上載一家三口嘅合照,並留言:「恭喜你又大一歲!今天晚上沒有華麗的包裝,沒有豪華的晩宴,只是一家人齊齊整整享用一頓簡簡單單的晚飯,與馬德鐘一起拉拉小提琴,享受一下親子樂,一起懷緬你的成長時,為你保存得完完整整的20顆乳齒,希望你喜歡這份另類的生日禮物!」
嘩!收到乳齒做生日禮物,網友都大讚呢份禮物非常有心思同有意義,相信仔仔都感受到父母對佢嘅愛,仲話隔住mon都感受到佢哋嘅溫馨呀~~