【Mall姐上身】宣萱霸氣叫森美Out！

藝人宣萱近日夥拍森美為銀行拍攝新一輯網絡短片廣告，廣告中森美飾演「上司」，面對一眾員工的加薪要求，以諸多藉口推搪，令員工不滿向其報復，森美被一個又一個的員工用水潑濕。最後一幕，森美跟「老細」宣萱商討加人工時，反被要求減薪九成，宣萱更霸氣地吩咐森美「Out」，場面似曾相識，沮喪的森美頭頭碰着黑，無奈地走出「老細」房時，然後消防花灑系統失靈，森美慘被再次淋至頭髮衣衫盡濕。宣萱亦不好受，拍攝一場拍枱鬧森美的戲分時，因為太用力而令玉手又紅又痛。

森美對住宣萱秒變員工

今次是宣萱和森美演戲上首次合作，宣萱表示有聽聞森美真人並非如幕前般經常搞笑，到二人拍攝時，森美真的一臉正經地問宣萱關於當年她在英國讀書時的情況，因為森美的囝囝負笈英國留學，二人便聊起英國留學的話題。而森美一直都有追看宣萱近期演出的大熱劇集，見面時都以她劇中的名字「Mall姐」來稱呼她，而宣萱在是次短片中飾演他的「老細」，所以做對手戲時感覺對方都很「Mall姐」，自己就好像走入了電視劇飾演其中一個員工角色一樣，感覺有趣。

森美狂被水淋零怨言

片中森美被不同的對手潑水，鏡頭後工作人員亦不停向森美噴水，被問到會否覺得被整蠱，森美笑言好享受：「自己好怕悶，以往拍節目都鍾意得意好玩，今次收到劇本時都覺得潑水戲好搞笑，我好enjoy呀！」森美更坦言沒有底線，工作人員事前有問過他可否被潑水，森美不但不介意，還表示如果劇情需要，要他跳落水都得，有時藝人的工作為求效果好就會做。拍攝時，森美嫌唔夠濕身效果，自己忍不住拿着水壺狂噴自己。

宣萱自言做老闆得人驚

今次「升呢」做「老細」的宣萱，自言如果現實生活中自己做「老細」，員工應該幾怕她，她解釋：「我會係一個有要求嘅上司，雖然唔會期望員工可以達到自己要求，但至少都要接近，同時我都會賞罰分明嘅。」擁有一間製作公司的森美，笑稱自己是一個比下屬更不想返工的老闆，沒有老闆的性格，並認為這個年代應該是「home office」，相信員工在家中完成工作便可，因為作為老闆應該相信自己員工，但森美不諱言：「如果自己相信嘅員工未能依時完成工作，我係會發脾氣嘅，我係一個自由但又嚴格嘅老闆。」

宣萱首次出糧捨得使

片中「老細」宣萱介紹森美用銀行出糧戶口為員工薪金增值，賺取優惠，提到出糧，宣萱和森美對人生第一次出糧時的情景仍記憶猶新。宣萱回想起時說：「記得第一份糧只係幾百元咋，好快就用晒！」當年宣萱媽媽希望她趁暑假學點東西，便介紹她到朋友的公司當暑期工，象徵式地給她八百元當作是人工，她續說：「當時見到一對心儀嘅鞋，就用咗六百幾元買咗，仲記得心情好興奮，因為眼前嘅一對鞋係用自己嘅勞力賺番嚟。」

假使跟另一半共同生活，宣萱會否希望對方將份糧全部交給她呢？宣萱認為最理想是二人擁有一個聯名戶口，不過男方可以對家庭開支負責多一些，以前宣萱會覺得男、女雙方各負責一半開支，但現在思想改變了，男方應該擔起頭家，至於家庭開支以外的錢，應該各自保管。至於講到森美第一次出糧，他記得：「自己到櫃員機撳錢，望住戶口啲銀碼都有啲開心。」森美自言是一個喜歡儲蓄的人，不會亂花錢，自小就為將來打算，未有家庭前一出糧便交由媽媽處理，結婚後就交給老婆，他笑言：「我唔知自己有幾多錢，成日都問太太自己有幾錢身家，太太咪支吾以對。藝人工作多勞多得，接定唔接工作睇自己決定，可能太太驚我知道錢夠用就推job，所以就用呢個方法對待我！」

森美財富交太太管理

物價年年升，每月有糧出之餘，當然希望賺得一蚊得一蚊，亦可以長遠為財富增值。森美大讚自己身邊的兩個女人媽媽和太太，在理財方面教曉他很多。他謂自從有了小朋友之後，跟太太有共識，對物質的要求降低了，寧願留多點錢花在小朋友身上，跟他們一齊去旅行，以前的焦點會放在自己退休，現在思想改變了，希望仔女將來的生活有個保障。出糧同時賺取銀行優惠，並作出精明投資規劃，就可以輕鬆為自己的薪金及存款增值。

宣萱怕?加人工

短片中，員工向「老細」宣萱提出加人工要求，換轉是宣萱，她會怎樣開口同老闆要求加人工呢？宣萱直言：「我好怕叫人加人工，我哋做藝人係『海鮮價』，人氣高自然工作多，我多數會直接提出，咪話人氣高收視好，成績理想，希望公司象徵式加啲人工啦！」森美口齒伶俐、轉數快，但若要他提出加人工要求，就把他難倒了，他謂：「我由出嚟做嘢至今，都冇試過主動叫老闆加人工，所以我係唔識，以前都係上司主動加我人工，而且做藝人有好多渠道賺取外快，如果我係做普通工作，問老闆加人工，真係開唔到口。」