東網電視
更多新聞短片

有之前開日本餐廳的經驗,馬德鐘對新食店充滿信心。
1/6
藝人馬德鐘自從約滿無綫後便北上搵人仔,近月他回港重返「娘家」接拍新劇《跳躍生命線》,談及重回TVB的感受,他說:「冇話重唔重返嘅,其實係故事劇本好,近年都喺內地拍戲,如果喺香港,想拍啲香港特色嘅劇,呢部劇係講消防救護員,好有香港特色,所以傾過之後,覺得幾有興趣,咁咪拍囉!」
原來馬德鐘收到好多影迷意見,他說:「香港觀眾覺得好耐冇見到我喇,大陸拍嘅戲又好少喺香港播,自己都想同香港觀眾見面。」不知何故馬德鐘過往多接拍飾演飛機師和警察的角色,而新劇今趟亦飾演救護隊目,咁啱得咁橋,都是制服團隊。
由於難得留港,馬德鐘爭取時間為下月新開張的蠔吧和酒窖執裝修,早年他與家人在尖沙嘴合資經營日本餐廳,如今再接再厲,他再投資七位數在黃埔開蠔吧、酒窖,視生意如湊仔,他笑言似多了三個仔:「自己一向鍾意食生嘢,試過一次過食十隻生蠔,其實喺香港做飲食真係好困難,但又好似上咗癮,自己又奄尖要求高,事事要親力親為好辛苦。」期間他突然變身「裝修師傅」,一時裝燈、一時爬高裝假天花,有途人經過眼望望,他一於少理。

新店就像自己的孩子一樣。

馬德鐘明白自己好奄尖,惟有事事親力親為。

鍾意食嘢,所以搞食店。

馬德鐘難得留在香港,點都要同兒子馬在驤享受父子情。

馬德鐘乜都要親手做。