「明福俠」再現　黎明唱歌求開騷好天氣

呢排香港天氣好差，日日都落大雨，連心情都為之鬱悶，搞到大家都「烏雲蓋頂」。咁啱天王黎明（Leon）將於7月1日喺中環開戶外騷，於是佢再化身「明福俠」大唱改編歌，祈求開騷當日太陽伯伯出嚟，可以有好天氣。

Leon喺社交網上載咗短片，仲留言：「太陽叔叔，我哋錫晒你。」片中「明福俠」即席高歌，仲唱出：「祈求7月1號太陽叔叔非常錫我哋，太陽叔叔錫我哋，就會陽光普照，我哋錫晒你。」見佢改埋詞勁有心思，點知冇隻字啱音，網友都笑言要聽得明「明福俠」唱咩，真係要咁上下嘅聽力喎！