關之琳青海留倩影　網民大讚：氣場強大

「大美人」關之琳（之之）近日在樓價高企以5,400萬元購入一個高層複式單位，另外佢又忙於創立自己嘅品牌，認真係個大忙人！今日之之喺Instagram上載多張照片，原來佢近日飛到青海，為一個比賽擔任形象大使，所以連日來就喺當地出席活動。

今日佢就着到靚一靚，喺寺廟前影靚相，之後喺工作人員帶領下，參觀當地嘅博物館，了解當地嘅文化同歷史，唔少網民都忍唔住留言大讚，話佢保養得宜之外，隔住個Mon都Feel到嗰股強大嘅氣場，同埋原來影相都有一手?！