孖老公現身!陳慧珊為囡囡請假去尼泊爾

20170625
東網電視
更多新聞短片
陳慧珊透露早前10歲囡囡向學校請咗一星期假去尼泊爾!
藝人陳慧珊今午與老公鍾家鴻拍拖出席活動,但老公婉拒記者要求合照。正在修讀教育博士課程的陳慧珊表示課程要讀4至6年,現已踏入第2年課程,相信直至年尾都相當忙碌!談到工作接洽,她笑說:「有人搵我。(電視劇定電影?)都有,但等放假先,之前我同ViuTV合作,拍咗個探討唔同地方婚姻、理念同教育方針嘅節目,我老公第一次出鏡。」
原來這個節目陳慧珊有份參與幕後製作:「有五對couples參與拍攝,大家去唔同地方,我同老公揀咗去尼泊爾,仲帶埋10歲囡囡去。佢向學校請咗一星期假,返學係緊要,但我想佢有唔同嘅經歷,每日完咗拍攝,我哋會返酒店討論,我唔會畀答案佢,只會啟發佢,希望佢得着嘅嘢會喺佢人生上有影響啦!(囡囡適應當地環境?)起初有啲唔慣,會突然停電呀咁,後來都習慣,呢啲環境係年輕人及城市人少面對嘅。」陳慧珊又指自己開始撰寫專欄,希望於教育理念方面付出努力。