唔諗復出唱歌 袁鳳瑛自嘲古代人

20170625
東網電視
更多新聞短片
袁鳳瑛笑話連古董舖都唔擺呀!
主唱《天若有情》的袁鳳瑛(Shirley)到九龍灣出席抗毒活動,她表示會與一班小朋友及家長演一個關於吸毒家庭的話劇,深入探討吸毒的原因。現在從事家庭輔導的Shirley坦言參與過不少抗毒活動,都會加入演藝元素。問到與小朋友合作可有困難?她謂:「唔難,小朋友都好有天份,我會當佢哋係專業咁訓練。做騷我惡㗎,平時就搞笑。」她自言如果小演員做得不夠好,就會像電影導演一樣趕對方走,因為工作要認真,亦要向觀眾交代:「之前做一個四川賑災嘅表演,有個小朋友失控,我就趕咗佢走。(佢有冇喊?)佢好奀皮,係挑戰形。如果喊就畀佢入廁所喊,喊完冇事就畀第二Take佢。」
至於可會再次唱歌?Shirley自嘲是古代人:「古董舖都唔擺!我驚傳媒唔知點寫,唔理唔得。」她指《天若有情》不只是她的回憶,亦是香港人的回憶,如果大家需要她就唱:「我有演藝嘅癮,但我鍾意Team work,唔係想開演唱會捧紅自己。」