陳曼娜晒歷代花旦合照　網友求合作

藝人陳曼娜相識滿天下，不時都會喺社交網站上載同一班好友聚會嘅相。而今日佢就同一班花旦聚會，當中包括梁小冰、鮑起靜、劉玉翠、李影、黃淑儀、周家怡同米雪。咁多老友聚埋一齊咁開心，廚藝了得嘅黃淑儀都落廚煮番幾味。雖然陳曼娜就冇影低啲餸，不過佢就影低咗張菜單，有鮑魚又有海參，仲要有七餸一湯，真係夠晒豐富呀！歷代花旦聚首一堂，一班網友都話呢一個畫面認真難得，大讚佢哋個個都keep得好好，完全冇留下歲月嘅痕迹，仲話如果可以睇佢哋拍番套劇就好啦！